Kvar onsdag på Førde kyrkjetun lagar frivillige til kaffi og vaflar Kafeen er open for alle kl 10.00 - 12.30 der du får kaffi/te og vaflar for 20,- Velkommen innom.

Førde frivilligsentral sine aktivitetar finn du i Aktivitetskalendaren https://sunnfjordkalender.no/organizer/friskliv-og-frivilligsenteret-13671

Aktivitetskalendaren er ei oversikt over mange aktivitetar og arrangement som finnast. Når du er inne på nettsida vel du Sunnfjord kommune: www.friskus.com

Mange i Førde har behov for nokon å prate med. Nokon bur på Førde omsorgssenter eller i omsorgsbustad, andre bur heime.

BUA utstyrssentral ligg lokala til Prestebøen 8 Gaular frivilligsentral har hovudansvar for drift av BUA, men sentralen ligg fysisk i Førde så vi hjelper til når det trengs. Vi vil gjerne ha fleire frivillige til å hjelpe, særlig i vintersesongen.

Internasjonal matfest i Førdehuset vert kvart år arrangert i november i samband med bornas verdsdag. Menneske frå ulike land lagar og sel matrettar frå sin nasjon denne dagen.

Kvart år arrangerer vi frisklivsdag for seniorar i Hafstadparken i samarbeid med Pensjonistforbundet Førde. Då har vi program og sosialt samvær i klubbhuset og aktivitetar ute i det flotte idrettsanlegget. Frisklivsdagen vert arrangert i mai/juni og vert annonsert i Firda via "Det skjer", og på kommunen si nettside.

Førde internasjonale kor er ein møtestad der folk frå ulike nasjonar treff kvarandre i musikalsk fellesskap. Vi syng, men samtalene med nye vener over ein kopp kaffi etter øving er like viktig. Frå 5. september 2024 startar vi oppatt koret med ny dirigent! Vi øver kvar torsdag kl. 18.00 for å synge - og lære kvarandre å kjenne. Alle stemmer er velkomne!

Førde Seniorkor er eit opent tilbod for alle seniorar. Koret har som mål å vere ein møteplass til fellesskap, glede seg sjølv saman med andre og til glede for andre. Song og fellesskap er viktig for god helse og livskvalitet. Koret har øvingar på Førde Omsorgssenter Førde seniorkor starta opp i januar 2008 gjennom prosjektet kultur og eldre. Koret har i prosjektperioden vore eit samarbeid mellom kommunen og Sogn og Fjordane fylkeskommune. Kulturskulen stiller med dirigent og økonomisk har den kulturelle spaserstokken vore sentral. Leiar for seniorkoret: Hans Bruland, telefon: 915 83 161 e-post: hanbrula@online.no

I skuleferiar og på enkeltkveldar arrangerer vi Grill`n Chill. Målet er at ungdommar skal få ha ei god fritid, vere saman med andre og starte nye vennskap. Nokre aktivitetar er opne utan påmelding, medan andre har avgrensa plassar der ein må melde seg på Informasjon og påmelding: www.sunnfjord.friskus.com

Home-Start Familiekontakten vert ytt av frivillige som har gjennomført kurs for familiekontaktar. Dette er eit tilbod for å lette kvardagen for familiar med barn under skulealder. Den frivillige kjem heim til familien 2 - 4 timar i veka over ein periode på ca 6 månader, og avlastar og støttar familien etter behov. Dersom du vil vere frivillig familiekontakt eller ønskjer meir informasjon om tilbodet kan du kontakte Randi Storhaug som er koordinator, ho har e-post randi.storhaug@sunnfjord.kommune.no og telefon 48 23 69 62

Ein laurdag i desember samarbeider vi med Førdehuset om ein aktivitetsdag for familiar: "Jul i Førdehuset"

Seniornett har mange kurs og aktivitetar for deg som ønsker opplæring i data.

Tredje kvar veke (tysdagar klokka 11.00 - 14.00) er det seniorsenter i regi av Pensjonistforbundet Førde der vi er ein samarbeidspart

SeniorSurf er eit landsdekkande IT-arrangement for seniorar (55+) som ønsker å lære meir om data og Internett. Siste åra har SeniorSurf vorte kalla Digital Festival Denne dagen vert arrangert kvar haust, har ulike digitale tema frå år, og har eit samarbeid med Seniornett og Førde bibliotek.

Grill`n Chill har mange aktivitetar for ungdom i skuleferiar Du finn informasjon om aktivitetane og påmelding på www.friskus.com

Kvar torsdag inviterer vi til tur i terrenget. Dersom du vil vere med møter du opp klokka 12.30 i våre lokale i Førdehuset. Der fyller vi opp 9-setaren vår og kjører samla. Det hender at nokon nyttar privatbil i tillegg dersom det vert mange med. Vi er attende ca kl 14.00 - 14 - 30. Vinterstid har vi truger til utlån. Turen går heile året unnatatt i jula, i påska og i juli månad.